پارتا دەم: مە چو رێککەفتن ل گەل پارتێن تورکیا نینن
ئایشەگۆل دوغان پەیڤدارا پارتا دەم د داخۆیانیەکێ دا راگەهاند، ژ بۆ هەلبژارتنێن باژێرڤانیان ل تورکیا هەتا نها وان چو رێککەفتن ل گەل پارتێن سیاسی نەکرینە، ئەو دێ دووڤچوونا پێشنیاز و هەلوەستێ هەر پارتەکا سیاسی یا تورکیا کەن و دێ ل گۆر بەرژەوەندیێن گەلێ کورد بریارێ دەن، لێ هەتا نها وەکو پارتا دەم وان چو بریارەک نەداینە.
ئەڤ داخۆیانیا پارتا دەم پشتی هندێ هات، کو ل هندەک دەزگەهێن راگەهاندنا تورکیا بەحسێ ڤێ یەکێ هاتبوو کرن دێ پارتا دەم ل باژێرێن چەندین باژێرێن مەزن یێن تورکیا پشتەڤانیێ ل بەربژارێن پارتا کۆماری کەت و رێککەفتنەکا نهێنی د ناڤبەرا هەر دو ئالیان دا هەیە، لێ پارتا دەم ئەو یەک رەتکر.
