ئەلمانیا: دێ ب توندی بەرسڤا رۆسیا دەین
چەند رۆژن دەزگەهێن راگەهاندنا ئۆرۆپا بەحسێ ڤێ یەکێ دکەن کو رۆسیا خوە بەرهەڤیان دکەت و دڤێت ئێرشی هندەک وەلاتێن ئەندامێن ناتۆ بکەت، د ڤێ دەربارێ دا دوهی وەزارەتا بەرگریێ یا ئەلمانیا د داخۆیانیەکێ دا دیار کر، ئەو نها بەرهەڤیان بۆ شەڕێ رۆسیا دکەن، رۆسیا دڤێت ئێرشی وەلاتێن ئەندامێن ناتۆ بکەت، مەترسی ل سەر ئەلمانیا ژی هەنە و هەکە رۆسیا کارەکێ وەسا بکەت ئەو دێ ب توندی بەرسڤا رۆسیا دەن.
ئەو یەک د دەمەکێ دایە کو بەری نها وەزیرەکێ حوکمەتا سویدێ ژی دیار کربوو ئەو بەرهەڤیان بۆ شەرێ رۆسیا دکەن، چونکی رۆسیا دڤێت ئێرشی وەلاتێن ئەندامێن ناتۆ ل ئۆرۆپا بکەت و ئێک ژ وان وەلاتان ژی سویدە و ئەو نها ب هەموو رەنگەکێ خوە بۆ شەری بەرهەڤ دکەن.
حەفتیا بۆری فەرماندارەکێ ناتۆ ژی دیار کربوو، د چەند سالێن بهێت دا دێ شەرەکێ دژوار د ناڤبەرا ناتۆ و رۆسیا دا روو دەت، چونکی پرسێن نها د ناڤبەرا رۆسیا و ناتۆیێ دا ب دانوستاندنان ناهێنە چارەسەر کرن.
