سەرۆکا بەنکا ناڤەندی یا تورکیا دەست ژ کارێ خوە بەردا
حافیزە گایە ئەرکان سەرۆکا بەنکا ناڤەندی یا تورکیا پشتی هەشت مەهان ژ وەرگرتنا وی پۆستی دەست ژ کارێ خوە بەردا و چاڤدێرێن سیاسی ژی ل تورکیا دیار دکەن، رەوشا ئابووری یا تورکیا گەلەک خرابە و نها بهایێ لیرێ تورکیا ل هەمبەر دۆلاری و پارێن دی بهایێ خوە ژ دەست دایە و ئەو یەک کاریگەریا خراب ل ژیانا وەلاتیان کریە، ژ بەر ڤێ یەکێ ژی گوهۆڕینا سەرۆکا بەنکا ناڤەندی چو کاریگەریا نابیت، بەلکو دڤێت تورکیا سیاسەتا خوە ل هەمبەر ئەمریکا و وەلاتێن جیران بگوهۆڕیت و کار بۆ بهێزکرنا ئابوورێ خوە بکەت.
سەرۆک کۆمارێ تورکیا ژی دوهی راگەهاند، ئەو دێ کار بۆ بهێزکرنا پێگەهێ ئابووری یێ تورکیا کەن، وان بەرنامەکا باش بۆ بهێزکرنا ئابوورێ تورکیا داناینە و چو هێزەک ژی نەشێت ئاستەنگیان ل هەمبەر بهێزبوونا تورکیا دروست بکەت.
