بریتانیا هۆشداریێ ددەتە ئیرانێ
وەزیرێ دەرڤە یێ بریتانیا راگەهاند، ب بەلگە هاتیە سەلماندن کو حوسیێن یەمەنێ ب چەکێ پێشکەفتی یێ ئیرانێ ل دەریا سۆر ئێرشی گەمیێن مە دکەن، بەری نها مە چەندین جاران هۆشداری دایە ئیرانێ دڤێت رێگریێ ل حوسییان بکەن، لێ هەتا نها ژی ئەو یەک نەهاتیە کرن و مخابن ئێرشێن حوسییان ل سەر گەمیێن بازرگانی ژی بەردەوامن، ژ بەر ڤێ یەکێ دڤێت ئیران ئێدی یا پێدڤی بکەت و رێگریێ ل حوسییان بکەت، هەکە ئەو یەک نەهێتە کرن ئەو دێ ل جڤاتا ئاسایشێ سکالا ل سەر ئیرانێ تۆمار کەن و دێ دەست ب سزادانا ئیرانێ کەن.
دێیڤید کامیرۆن ئەو یەک ژی دیار کر، مخابن حوسیێن یەمەنێ بووینە مەترسییەکا گەلەک مەزن ل سەر ئاسایشا جیهانێ، رۆژانە ل دەریا سۆر ئێرشی گەمیێن بارزگانی دکەن، دڤێت ئیران رێگریێ ل بزاڤێن تێکدەرانە یێن حوسییان بکەت، هەکە ئیران ڤێ یەکێ نەکەت دێ ئەنجامێن خوە یێن گەلەک خراب بۆ وی وەلاتی هەبن، چونکی ئەم و ئەمریکا ل هەمبەر ئێرشێن حوسییان بێدەنگ نابین و دێ پێکڤە یا پێدڤی کەین.
