مە دڤێت مەترسیا حوسییان ل سەر دەریایا سۆر نەمینیت
شیرەتکارێ ئاسایشا نەتەوەیی یا ئەمریکا راگەهاند، ئێرشێن وان و بریتانیا یێن ل سەر حوسییان ئەنجامێن گەلەک باش هەبووینە، د ئەنجاما ئێرشان دا گەلەک چەکێ گران یێ د دەستێ حوسییان دا ژناڤ چووینە و ئەو یەک ژی گەلەک گرنگە.
جاک سولیڤان ئەو یەک ژی دیار کر، ئێرشێن وان و بریتانیا یێن ل سەر حوسییان دێ بەردەوام بن، چونکی حوسی بووینە مەترسیەکا گەلەک مەزن ل سەر دەریا سۆر و گەمیێن بازرگانی، دڤێت مەترسیا حوسییان ل سەر دەریا سۆر و گەمیێن بازرگانی ب دووماهی بهێت و هەتا وی دەمی دێ ئێرشێن ل دژی حوسییان ژی بەردەوام بن.
