دبەرهەڤین ل گەل حزبوللاهێ دەست ب قۆناغەکا نوو بکەین
وەزیرێ بەرگریێ یێ ئسرائیلێ راگەهاند، ئەمریکا و هندەک وەلاتێن دی دەست ب بزاڤەکا نوو کرینە دا ئاگربەست د ناڤبەرا مە و حەماسێ دا بهێتە راگەهاندن، مە ژی هندەک مەرجێن خوە بۆ ئاگربەستێ هەنە و هەکە ئەو مەرج بهێنە بجهئینان وەکو ئسرائیل ئەم بەرهەڤین بۆ ئاگربەستێ.
یوئاڤ گالانت ئەو یەک ژی دیار کر، ئسرائیل بەرهەڤە پرسێن خوە یێن ل گەل حزبوللا لوبنانێ ژی ب رێیا دانوستاندنان چارەسەر بکەت، وەکو ئسرائیل مە نەڤێت ل گەل حزبوللا لوبنانێ ئالۆزیێن هەی زێدەتر لێ بهێن، بەلکو ئەم بەرهەڤین پرسێن هەی ب رێیا دانوستاندنان چارەسەر بکەین، لێ ئەو یەک رامانا هندێ نادەت دێ دەست ژ ئارمانجێن خوە ل غەزە و دەڤەرێن دی بەردەین، وەکو ئسرائیل مە خوە بۆ هەر پێشهاتەکا نوو ژی ل دەڤەرێ بەرهەڤ کریە، لێ ژ بۆ حزبوللا لوبنانێ مە پێ باشە ب رێیا دانوستاندنان ئەم پێکڤە پرسێن هەی چارەسەر بکەین.
