ئیران: ئالۆزکرنا رەوشا دەڤەرێ د بەرژەوەندیا چو ئالیەکێ دا نینە
پەیڤدارێ وەزارەتا دەرڤە یا ئیرانێ راگەهاند ئێرشێن ئەمریکا ل سووریێ و ئیراقێ رەوشا نها یا ل دەڤەرێ پتر ئالۆز دکەت، ئەمریکا دڤێت هەردەم رەوشا رۆژهەلاتا ناڤین یا ئالۆز بیت و ژ بەر ڤێ یەکێ ژی هەتا نها ئەمریکا نەڤێت هێزێن خوە ژ سووریێ، ئیراقێ و وەلاتێن دی ڤەکێشیت، مانا هێزێن ئەمریکا ژی ئاریشێن هەی زێدەتر لێ دکەت و دڤێت ئەمریکا هێزێن خوە ڤەکێشیت و رێزێ ل سەروەریا هەموو وەلاتێن دەڤەرێ بگریت.
ناسر کەنعانی ئەو یەک ژی دیار کر، ئێرشێن ڤێ دووماهیێ یێن ئەمریکا دێ رێ بۆ ئالۆزیێن زێدەتر ل دەڤەرێ ڤەکەت، چونکی نها رەوشا رۆژهەلاتا ناڤین گەلەک یا هەستیارە و هەر ئالۆزیەکا نوو دشێت دەڤەرێ بەر ب شەڕەکێ مەزن ڤە ببەت، ژ بەر ڤێ یەکێ ژی دڤێت هەموو ئالی کار بۆ ڤێ یەکێ بکەن رەوشا هەی خرابتر لێ نەهێت.
