رۆژنامەیەکا ئەمریکی: گرۆپێن چەکدار ئێرشێن خوە راگرتینە
رۆژناما واشنتۆن پۆست د راپۆرتەکێ دا دیار کریە، پشتی ئێرشێن دژوار یێن ئەمریکا ل سەر هێزێن سەر ب ئیرانێ ڤە کو د ئەنجام دا چەندین سەرکردێن گرۆپێن سەر ب ئیرانێ هاتنە کوشتن، ئیرانێ داخواز ژ وان گرۆپان کریە، ئێرشێن خوە راگرن و د رەوشا نها دا گرۆپێن سەر ب ئیرانێ ڤە ئێرشێن خوە ل دژی ئەمریکا ل ئیراقێ و سووریێ راگرتینە.
ئەو یەک د دەمەکێ دایە حەفتیا بۆری وەزارەتا بەرگریێ یا ئەمریکا دیار کربوو، هەکە ڤێجارێ گرۆپێن سەر ب ئیرانێ ڤە ئێرشی هێزێن ئەمریکا بکەن دێ بەرسڤا ئەمریکا گەلەک یا دژوار بیت و دڤێت ئیران داخوازێ ژ وان هێزان بکەت ئێرشێن خوە راگرن، چونکی بەردەوامیا ئێرشێن وان گرۆپان دێ بیتە ئەگەرێ روودانا ئالۆزیێن نوو ل دەڤەرێ.
