شاندەکێ حەماسێ ل تەهرانێ یە
دەزگەهێن راگەهاندنا ئیرانێ دیار کرن پشتی بریارا جڤاتا ئاسایشێ یا سەبارەت ب ئاگربەستێ شاندەکێ بلند یێ حەماسێ ب سەرۆکاتیا ئیسماعیل هەنیە گەهشتە تەهرانێ و ل گەل وەزیرێ دەرڤە یێ ئیرانێ کۆمبوون و بەحسێ رەوشا نها یا شەڕی و هەروەسا هاریکاریێن پێدڤی بۆ وەلاتیێن سڤیل ل غەزە هاتە کرن.
ل گۆر دەزگەهێن راگەهاندنا ئیرانێ، شاندێ حەماسێ سوپاسیا هەلوەستێ ئیرانێ کرینە و دیار کرینە وان شیاینە دربێن کوژەک ل ئسرائیلێ بدەن و نها ژی ئەو خوە بۆ هەر ئەگەرەکێ بەرهەڤ دکەن.
چاڤدێرێن سیاسی ژی دیار دکەن، ئیرانێ رۆلەک سەرەکی بۆ پشتەڤانیا حەماسێ گێرا و سەرەدانا بلەز یا شاندێ حەماسێ بۆ ئیرانێ ژی نیشا ددەت د رەوشا نها یا ئالۆز دا حەماسێ نەڤێت بێی رازیبوونا ئیرانێ چو بریاران بدەت، ژ بەر ڤێ یەکێ ژی نها حەماس هەر بریارەکێ بدەت دێ ب رازیبوونا ئیرانێ بیت و ئەو یەک دێ کاریگەریا خوە ل سەر دەڤەرێ ژی هەبیت.
