جیهان بەر ب شەرەکێ نووڤە دچیت
دۆنالد تاسک سه‌رۆک وه‌زیرێن پۆلەندا د داخۆیانیه‌کێ دا دیار کر، نها رەوشا جیهانێ ب گشتی یا ئالۆزە و مخابن جارەکا دی جیهان بەر ب شەڕەکێ نوو ڤە دچیت، هەکە ئەم بێژین شەڕێ جیهانی یێ سیێ د رێ دایە تشتەک شاش نینە و گۆت: (مخابن ب سەرکێشیا رۆسیا، رەوشا جیهانێ گەلەک ئالۆز دبیت، رۆسیا دڤێت ئێرشی هندەک وەلاتێن دی ژی بکەت، ژ بەر ڤێ یەکێ ژی دڤێت وەلاتێن ئێکەتیا ئۆرۆپا و ب تایبەتی ژی وەلاتێن ئەندامێن ناتۆ خوە بۆ شەڕەکێ نوو بەرهەڤ بکەن، چونکی رۆسیا ب هەموو رەنگەکێ خوە بۆ شەڕەکێ مەزن بەرهەڤ دکەت).
سەرۆک وەزیرێن پۆلەندا ئەو یەک ژی دیار کر، هەکە رۆسیا ل ئۆکرانیایێ یا سەرکەفتی بیت بێگومان دێ ئێرشی هندەک وەلاتێن دی ژی کەت، نها مەترسی ل سەر وەلاتێن جیرانێن رۆسیا هەیە، ژ بەر ڤێ یەکێ ژی دڤێت ئۆرۆپا و ناتۆ خوە بۆ شەڕەکێ دی یێ جیهانێ بەرهەڤ بکەن.
