بایدن: دڤێت قەتەر و مسر ئەرکێ خوە بجهـ بینن
جۆ بایدن سەرۆکێ ئەمریکا راگەهاند، دڤێت هەر دو وەلاتێن مسر و قەتەر فشارێن خوە ل سەر رێکخستنا حەماسێ زێدەتر لێ بکەن دا حەماس نەچار بیت هەموو گرتیێن ئسرائیلێ یێن د دەستێ خوە دا ئازاد بکەت، چونکی هەتا نها ژی حەماس یا بەرهەڤ نینە گرتیان ئازاد بکەت و ئەو یەک ژی ئاریشەکا گەلەک مەزنە.
سەرۆکێ ئەمریکا ئەو یەک ژی دیار کر، مسر و قەتەر دشێن پێکڤە حەماسێ نەچار بکەن دا ئەو هەموو گرتیان ئازاد بکەت، هەکە حەماس کارەک وەسا بکەت وی دەمی زەمینە بۆ ئاگربەستێ خوەش دبیت، هەتا حەماس گرتیێن د دەستێ خوە دا ئازاد نەکەت، ئسرائیلێ ژی نەڤێت ئاگربەستێ راگەهینیت، ژ بەر ڤێ یەکێ ژی وەکو پێنگاڤا ئێکێ دڤێت هەر دو وەلاتێن قەتەر و مسر پێکڤە رێکخستنا حەماسێ نەچار بکەن دا هەموو گرتیان ئازاد بکەت.
