وه‌لاتێن كه‌نداڤى ده‌ستێوه‌ردانا ئيرانێ ل عيراقێ ره‌ت دكه‌ن
ئه‌ڤرۆ نيوز:
جڤاتا هه‌ڤكاريا كه‌نداڤى ده‌ستێوه‌ردانا وه‌لاتێ ئيرانێ د عيراقێ دا ره‌ت دكه‌ن و پشته‌ڤانيا وێ ل گه‌ل عيراقێ ل دژى مه‌ترسيا تيرۆرێ، د چارچۆڤێ كۆمبوونا وه‌زيرێن ژ ده‌رڤه يێن وه‌لاتێن كه‌نداڤى ل پايه‌ختێ سعوديێ “رياض”.
وه‌زيرێ ژ ده‌رڤه يێ قه‌ته‌ر خالد عه‌تيه د كۆنگره‌كێ رۆژنامه‌ڤانى دا گۆت: “جڤاتا هه‌ڤكاريا كه‌نداڤى ته‌كست ل سه‌ر پشته‌ڤانيا سه‌ربه‌خۆيى و ئێكگرتيا عيراقێ كرن و پاراستنا ئه‌ردێ وێ و هاريكاريكرنێ ژ بوو په‌يداكرنا ئارامگريێ ل عيراقێ”.
ئاماژه ب وێ چه‌ندێ ژى كر كو ئه‌وان ده‌ستێوه‌ردانا د كاروبارێن عيراقێ دا و تێكدانا سه‌روه‌ريا وى وه‌لاتى ل سه‌ر ده‌ستێ ئيرانێ ره‌تكر و گۆت: “سه‌ربه‌خۆيا عيراقێ ژى ب ده‌ست ڤه ناهێت هه‌كه هه‌موو گه‌لێ عيراقێ هه‌ڤكارێن ئێك نه‌بن”.
ژ لايێ خوه ڤه جێگرێ سه‌رۆك كۆمارێ عيراقێ ب دژوارى هێرش كره سه‌ر سياسه‌تا حوكمه‌تا ئيرانێ و دبێژيت: “كۆمارا ئيسلامى يا ئيرانى ب چو ره‌نگه‌كى نه‌شێت خوه ب خودانا عيراقێ بزانيت و بكێشيته به‌ر خوه”.
