بریتـانیا: ئیران تووشی شکەستنێ بوو
وەزیرێ دەرڤە یێ بریتانیا د داخۆیانیەکێ دا راگەهاند، ئێرشا ئیرانێ یا ل سەر ئسرائیلێ سەلماند کو ئیران تووشی شکەستنەکا مەزن بوویە، چەکێ ئیرانێ و تەکنولوجیا وی وەلاتی بکار ئینای سەلماند وەکو هزر بۆ ئیرانێ دهاتە کرن وەسا نینە، ژ بەر ڤێ یەکێ ژی دڤێت ئسرائیل هزر د چو ئێرشان ل سەر ئیرانێ دا نەکەت.
دێیڤید کامیرۆن ئەو یەک ژی دیار کر، ئێرشا ئیرانێ چو کاریگەری ل سەر ئسرائیلێ نەبوو، ئێرش ب تەمامی هاتە ژناڤبرن، ئەو یەک ژی شکەستنەکا مەزنە بۆ ئیرانێ، باشترە ئسرائیل ژی رەوشا دەڤەرێ بەرچاڤ وەربگریت و کار بۆ ئالۆزیێن نوو ل دەڤەرێ نەکەت، چونکی هەر ئێرشەکا نوو یا ئسرائیلێ دێ رەوشێ پتر ئالۆز کەت، گرنگە ئسرائیل کار بۆ راگەهاندنا ئاگربەستێ ل غەزە بکەت، دڤێت ئسرائیل رێ بۆ گەهاندنا هاریکاریێن مرۆڤی ل غەزە خوەش بکەت، ئەو یەک د رەوشا نها دا گەلەک گرنگە و هەکە ئسرائیل کارەکێ وەسا بکەت دێ د بەرژەوەندیا وێ دا بیت.
