رێ نادەین کۆچبەر ب رێکێن نەقانوونی بهێنە وەلاتێ مە
ریشی سوناک سەرۆک وەزیرێن بریتانیا راگەهاند، هاتنا کۆچبەرێن نەقانوونی بۆ بریتانیا د چەند سالێن بۆری دا بوویە ئاریشەیەکا گەلەک مەزن و وەکو بریتانیا وان دەست ب پێرابوونێن نوو کرینە، هەر کۆچبەرەک ب رێکێن نەقانوونی بهێتە بریتانیا و مافێ ئاکنجیبوونێ وەرنەگریت دڤێت هەر زوو ژ ئاخا بریتانیا دەرکەڤیت و هەکە نەڤێت بچیت ژی دێ ب زۆری بۆ وەلاتێ رواندا هێتە هنارتن.
ناڤهاتی ئەو یەک ژی دیار کر، ئێدی بریتانیا ب چو رەنگەکێ رێ نادەت کۆچبەر ب رێکێن نەقانوونی بهێنە بریتانیا، چونکی ئەو یەک بوویە ئاریشەیەکا گەلەک مەزنە و دێ یا پێدڤی ژی هێتە کرن.
