ژ به‌ر ڤى ئه‌گه‌رى حوكمه‌تا هه‌رێمێ دانپێدانێ ب هه‌لبژارتنێن كانتۆنا جزيرێ ناكه‌ت
ئه‌ڤرۆ نيوز:
ئاخفتنكه‌رێ ب ناڤێ سه‌رۆكاتيا هه‌رێما كوردستانێ د. ئۆمێد سه‌باح د به‌ياننامه‌كێ دا راگه‌هاند كو ژ به‌ر ئه‌ڤ هه‌لبژارتنه نه ب گۆره‌يى رێكه‌فتنا دهۆكێ نه، ناهێته قه‌بوولكرن.
ئه‌ڤه ژى ده‌قێ به‌ياننامێ يه:
ب بەردەوامی يا بزاڤێن سەرۆک بارزانی و سەرۆکایەتیا ھەرێما کوردستانێ ب وێ ئالی و ئاراستەیێ دا بوویە، کو ھەموو کورد پێکڤە ل یەک بەرەیێ دابيت. ب تایبەتی ل رۆژاڤایێ کوردستانێ ژی سەرۆک بارزانی خواستیە و کار ژ بۆ وێ کریە ھەیەتەکی یەکگرتی ھەبێ کو ھەموو ھێز و ئالیێن سیاسیان ژ بۆ خزمەتێن زێدەتر بەرژەوەندیێن کوردستانێ ل دۆرا ھەڤدوو کۆم بکە.
د بنگەھێ دا رێککەفتنا ھەولێرێ ژ بۆ ڤێ مەبەستێ بوو، لێ بەلێ ئالیەک ب جیھ نەکر. پاشێ رێککەفتنا دھۆکێ ژی دەرفەت و ھێڤیەکە دنێ وێ ئامانجێ بوو کو ھەموو ئالیان پێکڤە و ب یەک گۆتار و یەک ھەلويست خزمەتێ ب دۆز و ھێڤیا گەلێ مەیێ ل رۆژاڤا بکه‌ن. بەردەوامی ژی سەرۆکایەتیا ھەرێما کوردستانێ ئالیێن سیاسیێن رۆژاڤا ژ بۆ ب جیھکرنا رێکەفتنا دھۆکێ ھان دایە و ھەول ژی دایە ھه‌لبژارتن ب پێکڤە و ب بەشداریا ھەموو ئالیەک بێ ئەنجامدان.
لێ بەلێ ئەڤ ھەنگاڤا نھا ل ژێر ناڤێ ھه‌لبژارتنا باژارڤانیا جزیرێ ل ھۆلێ دایە یەک ئالیانە و ب بەرەڤاژیا رێکەفتنا دھۆکە و ئەڤ ھەنگاڤ و ھەر ھەنگاڤەکی دنێ یەک ئالیەنە خزمەتا دۆزا کورد و ديمۆکراسیێ ناکەن و نایێ قەبول کرن.
جارەکی دن برێز سەرۆکێ ھەرێما کوردستانێ داخواز ژ ھەموو ئالیان دکەت پابەندی رێککەفتنا دھۆکێ بن و بەرژەوەندیا بلندا گەل و نیشتیمان بپارێزن.
د. ئومێد سەباح
پەیڤدارێ فەرمییێ
سەرۆکایەتیا ھەرێما کوردستانێ
2015/3/13
