ئـەمریکا دو بنگەهێن نوو یێن سـەربازی ل دێرازۆرێ ئاڤـا دکـەت
فەرماندارەکێ ئەمریکا ل سووریێ بۆ رۆژناما واشنتۆن پۆست یا وی وەلاتی دیار کریە، پشتی ئێرشێن ڤێ دووماهیێ یێن گرۆپێن چەکدارێن سەر ب ئیرانێ وان بریار داینە دو بنگەهێن نوو یێن سەربازی ل دێرازۆرێ ئاڤا بکەن، هەروەسا نها وان چەکێ گران ژی برینە وێ دەڤەرێ دا رێگریێ ل ئێرشێن گرۆپێن چەکدار بکەن.
هەمان فەرمانداری ئەو یەک ژی دیار کریە، هێشتا ژی مەترسیا داعشێ و گرۆپێن دی یێن تیرۆرستی ل سووریێ هەیە، بهێزبوونا داعشێ و گرۆپێن دی یێن تیرۆرستی دێ بیتە مەترسیەکا گەلەک مەزن بۆ ئەمریکا، ژ بەر ڤێ یەکێ ژی وەکو ئەمریکا ئەو دێ دو بنگەهێن نوو یێن سەربازی ل دێرازۆرێ ئاڤا کەن و هەروەسا وان دڤێت هژمارا هێزێن خوە ل باکورێ سووریێ ژی زێدەتر لێ بکەن و هەتا رەوشا سووریێ یا ئالۆز بیت و مەترسیا تیرۆرێ ژی هەبیت وەکو ئەمریکا ئەو دێ ل سووریێ مینن.
