نەورۆزا ئەڤ سالە دێ گەشتیار کێمتر ھێنە کوردستانێ
ئەڤرۆ نیۆز، قائید میرۆ:
بۆ ئەڤ سالە حوکمەتا ھەرێما کوردستانێ چو بودجەیەک بۆ کەرتێ گەشتیاری نە مەزاختیە و پەیڤدارێ گەشتوگوزارێ ژی رادگه‌هينيت، ھاتنا گەشتیاران بۆ نەورۆزا ئەڤ سالە دێ کێمتر بیت ژ سالێن بۆری.
نادر رۆستی، پەیڤدارێ دەستەیا گشتیا گەشتوگوزارا ھەرێما کوردستانێ بۆ ئەڤرۆ نیۆز راگەھاند: “پێشبینی دھێتەکرن بۆ جەژنا نەورۆزا ئەڤ سالە ھژمارەکا کێما گەشتیاران سەرەدانا ھەرێما کوردستانێ بکەن، بەلێ ناھێتە زانین دێ ھژمارا وان چەند بیت، ژ بەر قەیرانا دارایی و شەڕێ داعش”.
نادری گۆتژی: “حوکمەتا ھەرێما کوردستانێ چو بودجەیەک بۆ جەژنا نەورۆزا ئەڤ سالە نە مەزاختیە، بزاڤ یێن دھێنەکرن گرۆپێن گەشتیاری بینینە ھەرێما کوردستانێ بۆ سالا ٢٠١٥ێ”.
