ئاکپارتی: ژ بۆ دستوورەکێ نوو پێدڤی ب پشتەڤانیا کوردانە
جەنگیز چاندار ئەندامێ پەرلەمانێ تورکیا راگەهاند، نها بابەتێ دستوورەکێ نوو بۆ تورکیا د رۆژەڤێ دایە، ئاکپارتی پشتی هەلبژارتنێن باژێرڤانیان یا لاواز بوویی و پێگەهێ خوە یێ جاران نەمایە، هەڤدیتنا سەرۆک کۆمارێ تورکیا و سەرۆکێ گشتی یێ ئاکپارتیێ ل گەل سەرۆکێ پارتا کۆماری و داخۆیانیێن ڤێ دووماهیێ یێن ئەردۆغانی نیشا ددەن کو ئاکپارتی ژ بۆ دستوورەکێ نوو پێدڤی ب کوردانە.
ناڤهاتی ئەو یەک ژی دیار کر، دڤێت دستوورێ نوو یێ تورکیا ببیتە ژێدەرێ چارەسەریا هەموو پرسێن وەلاتی، نابیت ئاکپارتی ژ بۆ بەرژەوەندیێن خوە بابەتێ دستوورەکێ نوو بۆ تورکیا بکار بینیت، کوردان ژی دڤێت ب رێیا دستوورەکێ نوو مافێن وان بهێنە گەرەنتیکرن، ژ بەر ڤێ یەکێ ژی هەکە ئاکپارتیێ بڤێت کورد پشتەڤانیێ ل دستوورەکێ نوو بکەن، وی دەمی دڤێت مافێن کوردان ژی د دستوورێ نوو دا بهێتە گەرەنتیکرن، چونکی بێی گەرەنتیکرنا مافێن کوردان دستوورێ نوو یێ تورکیا چو مفایێ خوە نابیت.
