ئەمریکا سەبارەت ب حوسیان هۆشداریێ ددەتە ئیرانێ
وەزارەتا دەرڤە یا ئەمریکا راگەهاند، دڤێت ئیران چەکی نەدەتە حوسیان، چونکی چەکێ ئیرانێ یێ د دەستێ حوسیان دا بوویە مەترسیەکا مەزن ل سەر دەریا سۆر و ئەو یەک ژی دێ ئەنجامێن خوە یێن خراب بۆ ئیرانێ هەبن و دڤێت ئیران ئێدی چەکی نەدەتە حوسیان، چونکی حوسیێن یەمەنێ بووینە مەترسی ل سەر بازرگانیا جیهانی و هەکە ئیران ل سەر هەلوەستێ خوە بەردەوام بیت دێ سزایێن گران ل سەر ئیرانێ سەپینن.
ئەو یەک د دەمەکێ دایە کو بەری دو رۆژان شیرەتکارێ رێبەرێ شورەشا ئیسلامی یا ئیرانێ ژی دیار کر، ئەو وەکو ئیران بەرهەڤن هەموو پرسێن هەی ل گەل ئەمریکا ب رێیا دانوستاندنان چارەسەر بکەن، لێ ژ بۆ ڤێ یەکێ ژی دڤێت ئەمریکا هەلوەستێ خوە ل هەمبەر ئیرانێ بگوهۆڕیت، چونکی ب سزادانا ئیرانێ چو پرسەک ناهێتە چارەسەر کرن.
