وەزیرێ دەرڤە یێ ئەمریکا سەرەدانا ئۆکرانیایێ کر
پشتی ئێرشێن دژوار یێن رۆسیا و داخۆیانیا بەرپرسێن ئۆکرانیایێ دوهی وەزیرێ دەرڤە یێ ئەمریکا ئانتۆنی بلینکن سەرەدانا ئۆکرانیایێ کر و ل گەل سەرۆکێ وی وەلاتی کۆمبوو و پشتی کۆمبوونێ ژی راگەهاند وەکو ئەمریکا ئەو دێ هاریکاریا ئۆکرانیایێ کەن و دڤێت رۆسیا ئێرشێن خوە یێن ل سەر ئۆکرانیایێ بدەتە راگرتن.
سەرۆکێ ئۆکرانیایێ ژی راگەهاند، هەتا نها چەک و پێدڤیاتێن لەشکری نەگەهشتینە دەستێ هێزێن وان، رۆسیا ژی ب هەموو شیانێن خوە ئێرشی هێزێن وان دکەت، هەکە ئەمریکا و ناتۆ وەکو پێدڤی هاریکاریا ئۆکرانیایێ نەکەن ئەو یەک دێ بیتە ئەگەرێ سەرکەفتنا رۆسیا، سەرکەفتنا رۆسیا د ڤی شەڕی دا مەترسیا خوە بۆ ئەمریکا، وەلاتێن ئێکەتیا ئۆرۆپا و هەموو جیهانێ هەیە، چونکی رۆسیا دڤێت پشتی ئۆکرانیایێ ئێرشی هندەک وەلاتێن دی ژی بکەت، ئەو یەک ژی دێ کاریگەریا خوە یا خراب ل هەموو جیهانێ کەت و دڤێت رێگری ل رۆسیا بهێتە کرن.
