بڕیارا دادگەهێ د بەرژەوەندیا ئاکپارتیێ دا نینە
ئالتان تان سیاسەتمەدارێ کورد و ئەندامێ بەرێ یێ پەرلەمانێ تورکیا راگەهاند، بریارا دادگەها تورکیا سەبارەت ب دەمیرتاشی و هەڤالێن وی ب تەمامی ل دژی قانوونێن تورکیا یە، ئەو یەک ژ بۆ تورکیا باش نینە، چونکی ئێکەتیا ئۆرۆپا و گەلەک ژ سازیێن مافێن مرۆڤی ل دژی ڤێ بریارێ نە و ئەو یەک دێ ئەنجامێن خوە یێن خراب بۆ تورکیا هەبیت.
ناڤهاتی ئەو یەک ژی دیار کر، دادگەهێن تورکیا ل ژێر کاریگەریا پارتا بزاڤا نەتەوەپەرست بریاران ل دژی سیاسەتمەدارێن کورد ددەن، بریارا ڤێ دووماهیێ ژی د بەرژەوەندیا ئاکپارتیێ دا نینە، چونکی ئەو یەک دێ بیتە ئەگەر کو کورد پتر خوە ژ ئاکپارتیێ دوور بکەن.
