ئۆکرانیا: دڤێت بلەز چەکێ پێشکەفتی بگەهتە دەستێ مە
بەرپرسەکێ وەزارەتا بەرگریێ یا ئۆکرانیایێ راگەهاند رۆسیا ئێرشێن خوە ل سەر وەلاتێ وان دژوارتر لێ کرینە و ل هەمبەر دا لەشکرێ ئۆکرانیایێ ژی ب شیانێن خوە یێن کێم بەرسڤا رۆسیا ددەن، لێ هەکە چەکێ پێشکەفتی د زووترین دەم دا نەگەهیتە دەستێ لەشکرێ وان وەکو ئۆکرانیا ئەو دێ تووشی شکەستنێ بن، ژ بەر ڤێ یەکێ ژی دڤێت ئەمریکا و وەلاتێن ناتۆ بلەز چەکێ پێشکەفتی رەوانەی ئۆکرانیایێ بکەن.
هەمان بەرپرسی ئەو یەک ژی دیار کریە، وان ل هەمبەر ئێرشێن چەند رۆژێن بۆری یێن رۆسیا ب رێیا درۆنان ئێرشی چەندین ژێدەرێن وزێ یێن رۆسیا کرینە و شیاینە زیانێن مەزن بگەهیننە وی وەلاتی، لێ ئەو پێدڤی ب چەکێ پێشکەفتی نە دا بەرسڤا ئێرشێن رۆسیا بدەن.
