ئەمریکا: مە چو پەیوەندی ب روودانا مرنا رەئیسی ڤە نینن
شیرەتکارێ ئاسایشا نەتەوەیی یا ئەمریکا راگەهاند، هندەک ژ بەرپرسێن ئیرانێ سەبارەت ب روودانا مرنا رەئیسی ئەمریکا تومەتبار دکەن، چو راستی بۆ وی بابەتی نینن، ئەمریکا چو پەیوەندی ب روودانا مرنا ئیبراهیم رەئیسی و هەڤالێن وی ڤە نینن، لێ دڤێت بەرپرسێن ئیرانێ ڤێ پرسیارێ ژ خوە بکەن کا چاوا دبیت کۆپتەرەکا بەری ٤٥ سالان بهێتە بکارئینان و هەروەسا گەلەک پرسیارێن دی هەنە کو دڤێت بەرپرسێن ئیرانێ بەرسڤا وان بدەن.
جۆن کێربی ئەو یەک ژی دیار کر، وەزیرێ بەرێ یێ دەرڤە یێ ئیرانێ دیار کریە کو ئەمریکا بەرپرسە ژ کەفتنا کۆپتەرا ئیبراهیم رەئیسی، داخۆیانیێن وەسا چ ژ راستیا بابەتی ناگوهۆڕن و دڤێت بەرپرسێن ئیرانێ راستیێن هەی بۆ رایا گشتی ئاشکرا کەن، چونکی گەلەک تشت ل دۆر چاوانیا مرنا رەئیسی هەنە دڤێت بۆ خەلکی بهێنە ئاشکرا کرن، تومەتبارکرنا ئەمریکا ژی چو ژ راستیا بابەتی ناگوهۆڕیت، چونکی ئەمریکا چو پەیوەندی ب وێ روودانێ ڤە نینە.
