ئسرائیل: دانپێدان ب دەولەتا فەلەستینێ دێ بیتە ئەگەرێ قەیرانەکا نوو
سەرۆک وەزیرێن ئسرائیلێ راگەهاند، د رەوشا نها دا دانپێدان ب دەولەتا فەلەستینێ ژ ئالیێ هندەک ژ وەلاتێن ئۆرۆپی ڤە دێ رێ بۆ قەیرانەکا نوو ڤەکەت، چونکی هێشتا گەلەک ئاریشە هەنە و شەڕێ ل دژی حەماسێ ژی ب دژواری بەردەوام دکەت، هەتا ئاریشێن هەی نەهێنە چارەسەرکرن بابەتێ دەولەتا فەلەستینێ شاشیەک گەلەک مەزنە و ئەو یەک دێ بیتە ئەگەرێ روودانا قەیرانەکا نوو و دێ کاریگەریا خوە یا خراب ل سەر دەڤەرا مە و هەموو جیهانێ ژی هەبیت.
بنیامین نەتانیاهۆ ئەو یەک ژی دیار کر، هندەک ژ وەلاتێن ئێکەتیا ئۆرۆپا ژ بۆ بەرژەوەندیێن خوە یێن ل گەل وەلاتێن عەرەبی بەحسێ دەولەتا فەلەستینێ دکەن، ئەو یەک چو پرسەکێ چارەسەر ناکەت، چونکی ئاریشێن گەلەک مەزن هەنە و دڤێت بهێنە چارەسەرکرن، د رەوشا نها دا دانپێدان ب دەولەتا فەلەستینێ دێ بیتە ئەگەرێ روودانا قەیرانەکا دی یا مەزن و ئەو یەک د بەرژەوەندیا چو ئالیەکێ دا نینە.
