رێکخستنا مافێن مرۆڤی داخوازەکێ ژ ئسرائیلێ دکەت
رێکخستنا مافێن مرۆڤی یا سەر ب نەتەوەیێن ئێکگرتی راگەهاند، رەوشا وەلاتیێن سڤیل ل غەزە گەلەک خرابە، پێدڤیا خەلکی ب خوارنێ و دەرمانان هەیە، لێ مخابن ئەو نەشێن وەکو پێدڤی هاریکاریا خەلکێ سڤیل ل غەزە بکەن، چونکی د چەند رۆژێن بۆری دا هێزێن ئسرائیلێ ئێرشی کاروانێن هاریکاریێ یێن رێکخستنا وان و چەندین رێکخستنێن دی یێن مافێن مرۆڤی کرینە و ئەو یەک ژی تاوانەکا مەزنە و دڤێت ئسرائیل رێ بدەت دا ئەو بشێن هاریکاریا خەلکێ لێقەومی ل غەزە بکەن.
هەمان رێکخستنێ ئەو یەک ژی دیار کریە، ژ بەر شەرێ ل غەزە هەتا نها چەندین کارمەندێن وان ژی بووینە قوربانی، ژ بۆ کو ئەو بشێن هاریکاریا خەلکێ لێقەومی ل غەزە بکەن دڤێت ئسرائیل ئێرشێن خوە بدەتە راگرتن، چونکی رەوشا وەلاتیان ل غەزە گەلەک یا خرابە و هەکە هاریکاریێن پێدڤی نەگەهنە خەلکی دێ کارەساتێن مەزن روو دەن.
