ئیران: سیاسەتا ئێکەتیا ئۆرۆپا د خزمەتا ئەمریکا دایە
وەزارەتا دەرڤە یا ئیرانێ راگەهاند، ئێکەتیا ئۆرۆپا ب بەهانا بەرنامێ مۆشەکی و دروستکرنا درۆنان سزا ل سەر چەندین بەرپرسێن ئیرانێ سەپاندیە کو ئەو یەک ژی نیشا ددەت ئێکەتیا ئۆرۆپا ب تەمامی د بەرژەوەندیا سیاسەتا ئەمریکا دا کار دکەت و سەپاندنا سزایایێن نوو ل سەر بەرپرسێن ئیرانێ ژی دێ بیتە ئەگەر پەیوەندیێن ئیرانێ و ئێکەتیا ئۆرۆپا ئالۆزتر لێ بهێن.
وەزارەتا دەرڤە یا ئیرانێ ئەو یەک ژی دیار کریە، وەکو ئیران وان دڤێت پەیوەندیێن گەلەک باش ل گەل وەلاتێن ئۆرۆپی هەبن، لێ مخابن چەند جارن ئێکەتیا ئۆرۆپا هندەک بریارێن سەیر ددەت کو بریارا ڤێ دووماهیێ ژی نیشا ددەت ل سەر داخوازا ئەمریکا بریارەکا وەسا هاتیە دان.
ئەو یەک د دەمەکێ دایە کو بەری چەند رۆژان ئێکەتیا ئۆرۆپا سزا ل سەر وەزیرێ بەرگریێ و چەندین بەرپرسێن دی یێن ئیرانێ سەپاند.
