ئەلمانیا ب توندی هۆشداریێ ددەتە رۆسیا
ئۆلاف شولتز شیرەتکارێ ئەلمانیا راگەهاند، ئەو باش دزانن رۆسیا دڤێت پشتی ئۆکرانیایێ ئێرشی هندەک وەلاتێن ئێکەتیا ئۆرۆپا بکەت، لێ ئەو وەکو ئەلمانیا دێ ب هەموو شیانێن خوە بەرگریێ ل هەموو وەلاتێن ئێکەتیا ئۆرۆپا کەن و دڤێت پۆتین و بەرپرسێن دی یێن رۆسیا ژی باش بزانن ئەلمانیا رێ نادەت رۆسیا وەلاتێن ئێکەتیا ئۆرۆپا داگیر بکەت و دێ ب توندی بەرسڤا هەر ئێرشەکا رۆسیا هێتە دان.
ناڤهاتی ئەو یەک ژی دیار کر، ئەو ژ نێزیکڤە دووڤچوونا پیلانێن رۆسیا ل دژی وەلاتێن ئێکەتیا ئۆرۆپا دکەن، رۆسیا و ب تایبەتی ژی پۆتین دەست ب یاریەکا مەترسیدار کرینە و ئەو یەک چو ئەنجامێن خوە بۆ وان ژی نابیت، وەکو ئەلمانیا ئەم دێ ل گەل هەموو وەلاتێن ئێکەتیا ئۆرۆپا پێکڤە ئاخا خوە پارێزین و هەکە رۆسیا ژی بڤێت ئێرشی ئێک ژ وەلاتێن ئێکەتیا ئۆرۆپا بکەت وەکو ئەلمانیا و وەلاتێن دی یێن ئێکەتیا ئۆرۆپا دێ پێکڤە ب توندی بەرسڤا رۆسیا دەن، ڤێجا باشترە رۆسیا هزر د کارەکێ وەسا مەترسیدار دا نەکەت.
