بۆ جارا ئێکێ ژنەک دبیتە سەرۆکا مەکسیک
هەلبژارتنێن سەرۆکاتیێ ل وەلاتێ مەکسیک هاتنە کرن و ل گۆر ئەنجامێن دەستپێکێ کلاودیا شینباوم شیایە پتر ژ ٦٠٪ دەنگان بدەستڤە بینیت و بۆ جارا ئێکێ د دیرۆکێ وی وەلاتی دا دێ بیتە سەرۆکا مەکسیک.
ناڤهاتیێ د داخۆیانیەکێ دا بۆ دەزگەهێن راگەهاندنا مەکسیک دیار کر، وێ دڤێت وەکو سەرۆک خزمەتا خەلکی بکەت، ب تایبەتی ژی دڤێت کار بۆ گەشەکرنا ئابووری و باشترکرنا ژیانا وەلاتیان بکەت، وێ دڤێت شەڕێ گەندەلیێ بکەت و د گەلەک بیاڤان دا چاکسازیان بکەت دا ژیانا خەلکی د هەموو بیاڤان دا خوەشتر لێ بهێت.
ل ئالیێ دی وەلاتیێن مەکسیک ژی دلخوەشیا خوە ل هەمبەر سەرکەفتنا شینباومێ نیشا ددەن و دیار دکەن، پێدڤیا مەکسیکێ ب چاکسازیان هەیە و سەرۆکا نوو دشێت پتر ژ هەموو سەرۆکێن بەرێ خزمەتا وەلاتێ خوە بکەت.
