هەلوەستێ نەتانیاهۆی دبیتە جهێ دلگرانیا ئەمریکا
بەری دو رۆژان وەزیرێ دەرڤە یێ ئەمریکا راگەهاند دڤێت ئسرائیل و حەماس ئاستەنگیان ل هەمبەر راگرتنا شەڕی دروست نەکەن و دڤێت شەرێ نها ل غەزە بهێتە راگرتن، لێ سەرۆک وەزیرێن ئسرائیلێ دوهی راگەهاند وەکو ئسرائیل وان هندەک ئارمانجێن خوە یێن دیار کری هەنە و هەتا ئەو نەگەهنە وان ئارمانجێن خوە دێ شەڕ بەردەوام بیت.
نەتانیاهۆ ئەو یەک ژی دیار کر، هەتا حەماس ب تەمامی ژناڤ نەچیت دێ جارەکا دی بیتە مەترسی ل سەر ئسرائیلێ، ژ بەر ڤێ یەکێ ژی جارێ د بەرنامێ مە دا نینە شەڕی بدەینە راگرتن.
ل ئالیێ دی بەرپرسەکێ وەزارەتا دەرڤە یا ئەمریکا ژی راگەهاند، هەلوەستێ دووماهیێ یێ سەرۆک وەزیرێن ئسرائیلێ بوویە جهێ دلگرانیا ئەمریکا، چونکی نها ئەمریکا ب هەموو رەنگەکێ کار بۆ راگرتنا شەڕی دکەت و مخابن هەلوەستێ نەتانیاهۆیی ئاستەنگیان ل هەمبەر راگرتنا شەڕی دروست دکەت.
