ل زاخۆ د ناڤ هۆله‌كا شه‌هیانان دا، 10 كه‌س بریندار دبن
ئه‌ڤرۆ، یوسف موسـا:
ل هۆلا ڤین یا شه‌هیانان ل به‌رامبه‌را پرا ده‌لال ل شه‌هیانا بووك و زاڤایه‌كێ دا ترۆمبێله‌ك چوو دناڤ هۆلێ دا و د ئه‌نجام دا نێزیكى 10 كه‌سان ژ كه‌سۆكارێن بووك و زاڤایى بریندار بوون.
ل گۆرى كه‌سه‌كێ كو به‌رهه‌ڤى شه‌هیانێ بووى، بۆ ئه‌ڤرۆ نیۆز ل جهێ بوویه‌رێ ئاشكرا دكه‌ن كو بووك و زاڤا پشتى ژ ترۆمبێلا خوه ل به‌رامبه‌ر هۆلێ راوه‌ستایى و هاتینه خوار كه‌سه‌كێ نێزیك دا ترۆمبێلێ ژبه‌ر ده‌رێ هۆلێ ڤه‌گۆهێزیت، لێ شۆفێر دیاره شاره‌زا نه‌بوویه، ئه‌و بوو ئه‌گه‌رێ روودانێ كو نێزیكى 10 كه‌سان زێده‌تریا خه‌لكێ رۆژئاڤایێ كوردستانێ بوویه، پشتى ترۆمبێلا ژ جۆرى ئوبۆما هاتینه دناڤ هۆلێ دا بریندار بووینه، و هه‌موو بریندار نها ل نه‌خۆشخانا ته‌نگاڤیان ل زاخۆ چاره‌سه‌ریێن پزیشكى بو دهێنه كرن.
