هەژمارەكا جهێن ب خودانكرنا تەرش و كەوالی ل ئاكرێ هاتنە ژناڤبرن
رەمەزان زەكەریا:
ل سنوورێ باژێرڤانیا ئاكرێ هەوا ژناڤبرنا جهێن ب خودانكرنا تەرش و کەوالی ل ناڤ مالان و سنوورێ باژێرڤانیێ دەستپێكر و هەژمارەكا جهان هاتنە ژناڤبرن.
زێرەڤان تەمۆ، پەیڤدارێ سەرۆكاتیا باژێرڤانیا ئاكرێ بۆ ئەڤرۆ گۆت: «ل سنوورێ باژێرڤانیا ئاكرێ هەژمارەكا كۆلكێن ب خودانكرنا تەرش و کەوالی هاتنە خرابكرن و ژناڤبرن».
ناڤبری گۆتژی: «لیژنا نەهێلانا دیاردێن زێدەگاڤی و ب مەرەما بەلاڤ نەبوونا نەساخیێن جوراوجور، ب تایبەت تایا خوینبەربوونێ، ئەو جهە هاتنە ژناڤبرن، هەر كەسێ حەزا ب خودانكرنا تەرش و کەوالی هەبیت دڤێت ل دەرڤەی سنوورێ باژێرڤانیێ ب خودان بكەت، ئەوێن د ناڤ سنوورێ باژێرڤانیێ دا دێ هێنە خرابكرن».
