500 چانتە و پێدڤیێن قوتابخانەیێ ل سەر قوتابیان هاتنە بەلاڤكرن
وەكو هاندان و پشتەڤانی و دەسپێك بۆ سالا نوو یا خواندنێ و كارەكێ خێرخوازی چەندین پێدڤیێن قوتابخانەیێ ل سەر قوتابیێن هەژمارەكا گوندان هاتنە بەلاڤەكرن.
بوتان سەگڤان فەلەك دۆسكی، كورێ شەهیدێ سەركردە سەگڤان فەلەك دۆسكی، كو ل شەڕێ دژی داعشێ شەهید ب بوو، وەك بەرهەڤی بۆ وەرزێ نوو یێ خواندنێ 500 چانتە ل سەر قوتابیێن قووناغا بنەرەت، ب تایبەت ئەوێن بۆ جارا ئێكێ دچنە قوتابخانەیێ ل هەژمارەكا گوندان بەلاڤكرن.
خێرخواز بوتان سەگڤان گۆت: «ئەز ب ئەركێ ل سەر مللێن خوە دزانم خزمەتا قوتابیێن وەلاتێ خوە بكەم، مە بۆ سالا نوو یا خواندنێ چانتە و پێدڤیێن خواندنێ بۆ قوتابیێن چەندین قوتابخانەیێن گوندان ل سنوورێ پارێزگەها دهۆكێ دابینكرن».
گۆتژی: «مەرەم ژ ئەنجامدانا ئەڤی كاری، پشتەڤانی و هاندانا قوتابیانە، كو ب گەرم و گوری بچنە هولێن خواندنێ و دەست ب خواندنا خوە بكەن».
