حەفتیا بهێت ئاهێن خوارنێ یێن مەها حەفت دێ هێنە بەلاڤكرن
هەولێر، قائید میرۆ:
رێڤەبەرێ گشتیێ بازرگانی ل هەرێما كوردستانێ دیار كر، ئاهێن خوارنێ یێن مەها حەفت گەهشتینە عمبارێن هەرێما كوردستانێ و حەفتیا بهێت دێ هێنە بەلاڤكرن.
نەوزاد شێخ كامل، رێڤەبەرێ گشتیێ بازرگانی بۆ رۆژناما ئەڤرۆ دیار كر، ئەڤ سالە 685 هزار تەنێن گەنمی هاتینە وەرگرتن و 333 ملیار دینار پارەیێ گەنمێ جۆتیاران مایە ل بەغدا و گۆت: «بڕیارە پشتی بەلاڤكرنا ئەو گوژمێ گەهشتی ئەو ژی ژ لایێ حوكمەتا ئیراقێ بهێتە مەزاختن، هەموو بزاڤەك دهێتە كرن بۆ گەهشتنا پارەیێ جۆتیاران و هەتا ئێك دینار مابیت دێ حوكمەتا هەرێما كوردستان بزاڤێن مەزاختنێ كەت».
ل دۆر بەلاڤكرنا ئاهێن خوارنێ یێن مەها حەفت ژی نەوزاد شێخ كامل گۆت: «ئاهێن خوارنێ یێن مەها حەفت گەهشتینە عمبارێن وەزارەتا بازرگانی و بڕیارە حەفتیا بهێت دەست ب بەلاڤكرنێ بهێتە كرن، ئاهێن خوارنێ ییچن مەها تەباخێ ژی دێ گوهۆڕین تێدا هێنە كرن و بڕیارە ماش بهێنە زێدەكرن و ل سەر وەلاتیان بهێنە بەلاڤكرن».
