دەزگەهێ خێرخوازی یێ بارزانی دەست ب نووژەنكرنا چەندین قوتابخانەیان كریە
دهۆك، پەروین سەلاح
نوونەرێ دەزگەهێ خێرخازی یێ بارزانی دیار كر، ب خوشحالیڤە بۆ سالا نوو یا خاندنێ ٢٠٢٤ێ بۆ ٢٠٢٥ێ مە پرۆژەك راگەهاندیە، ئەو ژی پرۆژێ نۆژەنكرنا ٥٠ قوتابخانا بوو ل سەرتاسەری هەرێما كۆردستانێ و گۆت: سالانە مە چەندین چالاكی و پرۆژە یێن جۆراوجۆر د چارچۆڤێ كەرتێ پەروەردێ دا هەنە، وەك ئاڤاكرن و نۆژەنكرنا قوتابخانان و دگەل دابەشكرنا پێدڤیێن خواندنێ.
رێڤەبەرێ پەروەردەیا ئاكرێ بۆ رۆژنامەیا ئەڤرۆ دبێژیت: ژبەر رەوشا دارایی و ئابووری ئەم نەشیاینە هاریكاریێ ب شێوەیەكێ باش ب گەهینە قوتابی و نەشیاینە وەك پێدڤی خزمەتا هەمی قوتابخان بكەین، لی دەزگەهێ خێرخوازی د گەل مە دا وەكو رێڤەبەریا پەروەردا ئاكرێ هاریكاریا مە كریە و پشتەڤان بووینە هەردەم.
كاروان زاهر رێڤەبەرێ پەروەردا ئاكرێ بۆ رۆژناما ئەڤرۆ دیار كر، ئەز ب ناڤێ رێڤەبەریا ئاكرێ دەست خۆشی و سوپاسیێن خوە ئارستەی دەزگەهێ خێرخوازی یێ بارزانی دكەین ب مەرەما نۆژەنكرنا دوو قوتابخانەیێن قەزا ئاكرێ دروست كرینە، د سالا نوو یا خواندنێ دا ٢٠٢٤ێ بۆ ٢٠٢٥ێ خزمەتا خەلكێ مە یێ دەڤەرێ و هەروەسا خزمەتا چەندین قوتابخانەیا كریە ل سنورێ قەزا ئاكرێ.
ناڤهاتی گۆت: كارەكێ پیرۆزە وەكو پشتەڤانیەك بۆ رێڤەبەریا پەروەردەیا ئاكرێ و حكۆمەتا هەرێما كۆردستانێ، هەر دیسان د چەندین كاودانێن نەخۆش دا دەزگەهێ خێرخوازی یێ بارزان ب رێژەیەكا باش هاریكاری كریە.
ناڤبری ئاشكراكر ژی: ئەم ژبەر رەوشا داریا ئابووری نەشیاینە هاریكاریێ ب شێوەیەكێ باش ب گەهینینە قوتابی و نەشیاینە وەك پێدڤی خزمەتا هەمی قوتابخان بكەین، لێ دەزگەهێ خێرخوازی ل گەل مە دا وەكو رێڤەبەریا پەروەردا ئاكرێ هاریكاریا مە كریە و پشتەڤان بووینە هەردەم.
بێوار كەریم نوونەرێ دەزگەهێ خێرخوازی یێ بارزانی بۆ رۆژناما ئەڤرۆ دیاركر: بێگومان هەر ژ دەستپێكا دامەزراندنا دەزگەهێ خێرخازی یێ بارزانی مە گرنگیەكا باش ل كەرتێ پەروەردی دایە كو بەردەوام هاریكاربین و خزمەتا وان بكەین، چونكە ئەم وەك دەزگەهێ خێرخوازی یێ بارزانێ ئەم ئەركێ خوە دزانین و پشتەڤانیا كەرتێ پەروەردێ بكەین.
ناڤبری گۆت: سالانە مە چەندین چالاكی و پرۆژە یێن جۆراوجۆر هەنە د چارچۆڤێ كەرتێ پەروەردێ دا مە ئەنجام داینە، وەك ئاڤاكرن و نۆژەنكرنا قوتابخانان و دگەل دابەشكرنا پێدڤیێن خاندنێ و كەلۆپەلێن كارگێری یێن قوتابخان وەك ئامیرێ گەرم كرنێ و ئامیرێن فێنك كرنێ. ب خوشحالیڤە بۆ سالا نۆیا خاندنێ ٢٠٢٤ێ بۆ ٢٠٢٥ێ مە پرۆژەك راگەهاندیە ئەوژی پرۆژێ نۆژەنكرنا ٥٠ قوتابخانا بوو ل سەرتاسەری هەرێما كۆردستانێ.
