ئـەڤ سـالە ژی 45% كرێیا خوانـدنـێ دێ هێتە كێمكرن
هەولێر، قائید میرۆ:
دكتۆر ئیبراهیم حاجی رەشید، رێڤەبەرێ خواندنا ئەهلی ل وەزارەتا خواندنا بلند بۆ رۆژناما ئەڤرۆ دیار كر، ب مەرەما هاریكاریا قوتابیان و سەرخستنا پرۆسێسا خواندنێ جڤاتا وەزارەتا خواندنا بلند و ڤەكۆلینێن زانستی بڕیار دا كرێیا خواندنێ ل زانكۆ و پەیمانگەهێن سەر ب حوكمەتێ ل خواندنا ئێڤاریان و پارالێل 45% كێم بكەت، هەروەسا ل زانكۆ و پەیمانگەهێن ئەهلی ژی ب رێژەیا 10 هەتا 20% كێم بكەت.
دكتۆر ئیبراهیم گۆت: «مەرەم ژ ئەرزانكرنا كرێیا خواندنێ بۆ زێدەتر پەیداكرنا دەلیڤا خواندنێ یە بۆ خەلكێ كوردستانێ، ژبلی ئەڤێ داشكاندنا هاتیە كرن، سالانە وەزارەتا خواندنا بلند هاریكاریا وان قوتابیان دكەت یێن خێزانێن وانا هەژار و نێزیكی 800 ملیۆن دیناران ئازاكرن هەیە ل كرێیا خواندنێ».
