ب گوژمێ شەش ملیار دیناران پڕۆژەیێن كارەبێ ل دەڤـەرا ئـامێدیێ هـاتینە ئـەنجامدان
د چەند سالێن دەربازبوویی یێن كابینەیا نەهێ یا حوكمەتا هەرێمێ دا، ل سنوورێ دەڤەرداریا ئامێدیێ ١٩٨ پڕۆژەیێن خزمەتگوزاری ب گوژمێ پتری شەش ملیار دیناران هاتینە ئەنجامدان.
ئەندازیار ئارام جەلال، رێڤەبەرێ كارەبا ئامێدیێ بۆ رۆژناما ئەڤرۆ گۆت: «ئەڤ پڕۆژەیە د بیاڤێن جودا جودا دا بووینە و پڕۆژەیێن بچووك و مەزن بووینە و گوژمێ شەش ملیار و 500 ملیۆن دیناران بۆ هاتینە تەرخانكرن».
ناڤهاتی دیار ژی كر، د سەردەمێ ڤێ كابینەیێ دا بۆ جارا ئێكێ كارەب گەشتیە چەندین گۆندێن دەڤەرێ و بەهرا پتر یا پڕۆژەیان ژی ب داوی هاتینە و نوكە كەفتینە د خزمەتا خەلكێ دەڤەرێ دا.
