حوكمەتا هەرێمێ دێ كرێیا ئەردێ كەمپێن ئاوارەیان ل دهۆكێ دەت
لەزگین جوقی:
ریڤەبەرێ كۆچ و كۆچبەران و بەرسڤدانا قەیرانان ل دهۆكێ راگەهاند؛ كرێیا ئەردێ كەمپێن ئاوارەیان ل سنوورێ پارێزگەها دهۆكێ ژ لایێ حوكمەتا هەرێما كوردستانێ ڤە دێ هێتە مەزاختن.
پیر دەیان جەعفەر، رێڤەبەرێ كۆچ و كۆچبەران و بەرسڤدانا قەیرانان دیاركر، كرێیا ئەردێ كەمپان ل سنوورێ پارێزگەها دهۆكێ و ئیدارا سەربخوە یا زاخۆ ژ لایێ حوكمەتا ئیراقێ ڤە نەهاتیە مەزاختن، لەورا حوكمەتا هەرێما كوردستانێ خۆ ل ڤی بابەتی كریە خودان و نوكە ل پارێزگەها دهۆكێ رازیبوون هاتیە كرن و لیژنەیەك پێكئینایە بۆ تەرخانكرنا كرێیا ئەردێ كەمپان.
ناڤهاتی گۆت: «ل سنوورێ پارێزگەهێ 14 كەمپێن ئاوارەیان د ناڤا ئەردێن جۆتیاران دا هاتینە دروستكرن، دڤێت سالانە كرێیا وان بهێتە دان».
