پڕۆژەیێ ستراتیژیێ ئاڤا ئاكرێ د قووناغا دووماهیێ دایە
دەڤەردارێ ئاكرێ سەرپەرشتیا كۆمبوونەكا تایبەت ب پڕۆژەیێ ستراتیژیێ ئاڤا ئاكرێ ڤە ل گەل ئەندازیار و سەرپەرشتێ كۆمپانیا بجهئینانا پڕۆژەی كر.
د. دلاوەر بۆزو، دەڤەردارێ ئاكرێ ل گەل سەرپەشت و ئەندازیارێ كۆمپانیا بجهئینانا پڕۆژەیێ ئاڤا ئاكرێ كۆمبوو، تێدا دوپاتی ل سەر بجهئینانا پڕۆژەی د دەمەكێ نێزیك دا كر و گۆت: «مە دانوستاندن ل دۆر دووماهی پێشڤەچوونێن كاری و قووناغێن بجهئینانا پڕۆژەیێ ئاڤا ئاكرێ كر».
ب تەمامبوونا پڕۆژەی دێ خزمەتەكا مەزن بۆ دەڤەرا ئاكرێ پێشكێشكەت و ئاریشەیا كێمئاڤیێ ب ئێكجاری دێ چارەسەربیت.
بۆ زانین رێژەیا تەمامبوونا پڕۆژەی گەهشتیە 70% و گوژمێ پێدڤی بۆ تەمامكرنا پڕۆژەی ژ لایێ كابینەیا نەهێ یا حوكمەتا هەرێما كوردستانێ ڤە هاتییە دابینكرن.
