گوهدار شێخۆ: ئەم دێ ل سەر پشتەڤانیكرنا لاوان بەردەوام بین
زاخۆ، دلۆڤان هالۆ:
شڤان عەبدی، بەرپڕسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر، ب چاڤدێریا گوهدار شێخۆ، سەرپەرشتێ ئیدارەیا سەربخوە یا زاخۆ، دوهی 2/10/2024 چەندین خۆلێن رێڤەبەریا لاوان ب دووماهی هاتن و باوەرنامە ب مامۆستا و پشكداربوویان هاتنە بەخشین.
گوهدار شێخۆ، سەرپەرشتێ ئیدارا سەربخۆ یا زاخۆ د پەیڤەكێدا دیار كر، ئەو دێ ل سەر پشتەڤانیكرنا لاوان بەردەوام بن و هەر وەكو د كارنامەیا كابینەیا نەهێ دا هاتی، دەرچوویێن ڤان جۆرە خولان دێ شێن خزمەتا وەلاتێ خوە كەن.
گوهداری گۆت: «ل سەر راسپاردەیا مەسرور بارزانی، سەرۆكێ حوكمەتا هەرێما كوردستانێ ئاڤەدانی و خزمەتگوزاری ل سنوورێ ئیدارەیا سەربخوە یا زاخۆ د بەردەوامن».
