سێ قوتابخانە و باخچەیەكێ زاڕۆكان ل زاخۆ هاتنە ڤەكرن
زاخۆ، دلۆڤان هالۆ:
شڤان عەبدی، بەرپرسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر، ل سەر راسپاردەیا مەسرور بارزانی، سەرۆكێ حوكمەتا هەرێما كوردستانێ و ب چاڤدێریا گوهدار شێخۆ، سەرپەرشتێ ئیدارەیا سەربخوە یا زاخۆ، سێ قوتابخانە و باخچەیەكێ زارۆكان بۆ سالا نوو یا خواندنێ ل سنوورێ ئیدارەیا سەربخوە یا زاخۆ هاتنە ڤەكرن و كەڤتنە د خزمەتا قوتابیێن دەڤەرێ دا.
بەرپڕسێ ڕاگەهاندنا ئیدارەیا سەربخوە یا زاخۆ، ئاماژە ب وێ چەندێ ژی كر كو ب گوژمێ پتری ملیار دیناران بەرێ بنیاتی بۆ قوتابخانەیەكا ٢٠ ڕێزی هاتە دانان و گۆت: «د ڤان سێ سالێن بۆری دا ل ئیدارەیا سەربخوە یا زاخۆ د وارێ كەرتێ پەروەردێ دا ١٢ قوتابخانە هاتینە ئاڤاكرن و پتری ٥٥ قوتابخانەیان ژی هاتینە نووژەنكرن».
