ڕێوڕەسمێن جەژنا جەمایێ دێ هێنە گێڕان
دهۆك، لەزگین جوقی:
ڕێڤەبەرێ گشتیێ كاروبارێن ئێزدیان ل وەزارەتا ئەوقافا و كاروبارێن ئایینی ل حوكمەتا هەرێما كوردستانێ ئاشكرا كر، ژ بەر جەژنا جەمایێ د ڤێ مەهێ دا بێهنڤەدانا فەرمی بۆ هەمی فەرمانبەرێن ئێزدی دێ هێتە راگەهاندن.
سعود مستۆ، ڕێڤەبەرێ گشتیێ كاروبارێن ئێزدیان ل وەزارەتا ئەوقافێ بۆ رۆژناما ئەڤرۆ دیار كر، ژ بەر جەژنا جەمایێ هەر ژ ئەڤرۆ 6/10/2024/ هەتا رۆژا 12/10/2024ێ بۆ هەمی فەرمانبەرێن ئێزدی ل ناڤ دام و دەزگەهێن حوكمەتا هەرێما كوردستانێ بێهنڤەدانا فەرمی یە.
جڤاتا رۆحانی یا ئێزدیان چەندین بڕیارێن نوو بۆ جەژنا جەمایێ ل پەرستگەها لالشێ دەركرینە، ژ وانا ژی: هەمی سەرەدانكەر پێدڤیە جلكێن لایق بۆ پەرستگەها لالشێ ل بەر خۆ بكەن، ئینانا چەكی بۆ پەرستگەها لالشێ قەدەغەیە، ئینان و ب كارئینانا نەرگیلێ بۆ پەرستگەها لالشێ قەدەغەیە، هەروەسا ئینانا ئامیرێن مۆزیكێ و دیلان قەدەغەنە و پێدڤیە پاقژیا پەرستگەها لالشێ بهێتە پاراستن و پێدڤیە سەرەدانكەر پێلاڤێن خۆ ل دەستپێكا هاتنا د ناڤ پەرستگەها لالشێ دا ب دانن.
