گوهدار شێخۆ: مە سورپرایزێن مەزن بـۆ زاخـۆ یێن هەین
زاخۆ، دلۆڤان هالۆ:
گوهدار شێخۆ، سەرپەرشتێ ئیدارەیا سەربخوە یا زاخۆ بۆ دەزگەهێن ڕاگەهاندنێ دیار كر، پشتی هەلبژارتنان، سوپڕایزێن مەزن بۆ زاخۆ یێن هەین و چەندین پڕۆژەیێن مەزن دێ هێنە بجهئینان.
سەرپەرشتێ ئیدارەیا سەربخوە یا زاخۆ، ئاماژە ب وێ چەندێ ژی كر، ئەڤ سوپڕایزە نە بانگەشەیا هەلبژارتنانە، چونكی خەلكێ كوردستانێ ب گشتی و خەلكێ زاخۆ ب تایبەت شەهدەیا وێ چەندێ ددەن، كو د سالێن بۆری دا هەر ئاخڤتنەكا مە گۆتی یا بوویە كریار، لەوما ئەڤا ئەم نوكە ژی دبێژین پشتی هەلبژارتنان ئەو ژی دێ بنە كریار.
گوهداری گۆت: «زاخۆ بوویە ناڤەكێ دیار ل سەر ئاستێ ئیراق و كوردستانێ، خەلكەكێ زۆر ژ هەمی باژێر و دەڤەرێن ئیراق و كوردستانێ سەرەدانا زاخۆ دكەن، پشتی هەلبژارتنان چەندین پڕۆژەیێن هەمەجۆر و دو پڕۆژەیێن مەزن یێن گەشتوگوزاری ژی دێ هێنە بجهئینان».
