دڤێت ئەم هەمی پێكڤە كار بۆ سەرئێخستنا لیستا 190 یا پارتی بكەین
ئامێدیێ، مەحمود نهێلی:
سەربەست لەزگین، بەرپرسێ مەكتەبا ڕێكخستنا پارێزگەها دهۆكێ یا پارتی، د سەرەدانەكێ دا بۆ دەڤەرا ئامێدیێ و دێرەلۆكێ و سەرسنكێ و شێلادزێ تەكە زی ل سەر رۆلێ خەلكێ دەڤەرێ د بزاڤا رزگاریخوازیا گەلێ كوردستانێ دا كر و دبێژیت: ئافرەت و گەنج و لاوێن دەڤەرێ رۆلەكێ كاریگەر د هەمی كاودانان دا هەبوویە.
سەربەست لەزگین د سمینارەكێ دا بۆ ئافرەتێن میحوەرێ دێرەلۆكێ دیار كر، ئافرەتێن كوردستانێ بۆ ئازادیا گەل و وەلاتێ خوە، ئەو ئەركێ ل سەر ملێ خوە گەلەك ب باشی بجهئینانیە و گۆت: «ئەم د پشتڕاستین، د ڤێ قووناغا گرنگ ژی دا ئافرەت ب هەمان دلسۆزی دێ ب ئەركێ خوە یێ پارتایەتی و نیشتیمانی رابن، ژ بۆ سەرخستنا لیستا ئارامی و ئاڤەدانی و پێكڤەیی و خۆراگریێ، كو لیستا ١٩٠ یا پارتیە».
ژلایەكی دیڤە، سەربەست لەزگین بەرپرسێ مەكتەبا رێكخستنا پارێزگەها دهۆكێ، سەردانا یانا شێلادزێ كر ژ بو راوەستان ل سەر رەوشا یانێ، پشتی ڕوونكرنەكێ ژ لایێ سەرۆكێ یانێ ڤە و دیاركرنا ئاریشە و كێماسیێن یانێ، سەربەست لەزگین دەستخوەشی ل دەستەیا یانێ كر، دیسا پشتەڤانیا خوە بۆ یانێ دیاركر و بڕیار دا چەندین جۆرێن هاریكاریان پێشكێشی یانێ بكەت، وەكو: دابینكرنا كوستەرەكێ و گژمەكێ پارەی.
سەربەست لەزگین سەرەدا نا ناوچەداریا سەرسنكێ ژی كر و دەستخوەشی ل گەنجێن سەرسنكێ كر بۆ ڤەكرنا نڤیسینگەها لیستا ١٩٠ وەك دەستپێشخەریەكا گرنگ و گۆت: «ئەڤە تشتەكێ جودایە و جهێ دەستخوەشیێ یە و كارەكێ ئومێد بەخشە ب سەركەفتنەكا مەزن و پشتەڤانیا خوە بۆ گەنجێن سەرسنكێ و كارێ وان یێ یپرۆر دیاركر».
دیسا ل ئامێدیێ ژی وەكو دیاریا سەرۆك بارزانی كو (١٥) موەلیدێن كارەبێ یێن مەزنن و ب رێیا فەرماندە مەنسور بارزانی هاتینە دابینكرن، ب بەرهەڤبوونا سەربەست لەزگین و وەكو قووناغا دویێ هەشت موەلیدە ل سەر هەشت گوندێن دی یێن دەڤەرێ هاتنە بەلاڤكرن.
