ب گوژمێ هەشت ملیار دیناران هەژمارەكا پڕۆژەیان ل سەرسنكێ دهێنە بجهئینان
ئامێدیێ، مەحمود نهێلی:
هەژمارەكا پڕۆژەیان ل سنوورێ ناوچەداریا سەرسنكێ نوكە ل ژێر بجهئینانێ نە و دو پڕۆژەیێن دی ژی دێ د دمەكێ نێزیك دا دێ كەڤنە دبیاڤێ بجهئینانێ دا و گوژمێ هەشت ملیار دیناران بۆ وان پڕۆژەیان هاتینە تەرخانكرن، دیسا هەژمارەكا دی یا پڕۆژەیان ل ڤێ ناوچەداریێ نوكە ل ژێر بجهئینانێ دانە و د دەمەكێ نێزیك دا دێ كەڤنە د خزمەتا وەلاتیان دا.
وارشین سەلمان، دەڤەردارێ ئامێدیێ بۆ رۆژناما ئەڤرۆ دیار كر، پشتی رازیبوون ل سەر بجهئینانا هەژمارەكا پڕۆژەیان ل سنوورێ ناچەداریا سەرسنكێ هاتیە كرن، د ڤان نێزیكان دا دێ دەست ب چێكرنا وان هێتە كرن و گۆت: «رازیبوون ل سەر چێكرنا مەلەڤانگەهـەكا ئـۆلمپی ل ناوچەداریا سەرسنكێ و هۆلا كۆنفرانسان ل گەل هۆلەكا سینەمایا هاڤینێ هاتیە كرن و گوژمێ هەشت ملیار و ٢٢٢ ملیۆن دیناران ژ بۆ ئەنجامدانا ڤان پڕۆژەیان هاتینە تەرخانكرن، كو دو پڕۆژەیێن وەبەرهێنانێ نە».
ناڤهاتی گوتژی: «ئەو دو پڕۆژەیێن وەبەرهێنانێ دێ خزمەتەكا باش یا كەرتێ گەشتوگوزارێ ل دەڤەرێ كەن».
