ب بزاڤێن فراكسیۆنا پارتی شەش هزار كەس هاتینە دامەزراندن
هەولێر، قائید میرۆ:
سەرۆكێ لیژنا ساخلەمیێ ل پەرلەمانێ ئیراقێ ئاشكرا كر، د دەمێ دو سالێن بۆری دا ب بزاڤێن فراكسیۆنا پارتی شەش هزار كەس ل دەڤەرێن كوردستانی یێن دەرڤەی ئیدارەیا هەرێما كوردستانێ ل سنوورێ پارێزگەها نەینەوا هاتینە دامەزراندن.
دكتۆر ماجد شنگالی، سەرۆكێ لیژنا ساخلەمیێ ل پەرلەمانێ ئیراقێ بۆ رۆژناما ئەڤرۆ دیاركر، د دو سالێن بۆری دا ل سنورێ نەینەوا شەش هزار دەرچوویێن پشكێن نۆشداری ب بزاڤێن فراكسیۆنا پارتی ل پەرمانێ ئیراقێ هاتینە دامەزراندن و گۆت: «هەتا نوكە دو گەر هاتینە دامەزراندن و بڕیارە هەژمارەكا دی ژی بهێنە دامەزراندن، دیسا هەر پڕۆژەك یان دامەزراندنەك ل ئیراقێ هەبیت، مە ب تەمامی پشكا دەڤەرێن كوردستانی مسۆگەر كریە و گەلەك كار بۆ خەلكێ وان دەڤەران هاتینە كرن د ڤێ خولا پەرلەمانی دا هاتینە كرن».
دكتۆر ماجد شنگالی گۆتژی: «چەندین نەخۆشخانە ژی ب بزاڤێن پارتی ل دەڤەرێن كوردستانی دهێنە ئاڤاكرن، مینا: نەخۆشخانا شنگالێ و باشیكێ و چەندێن پڕۆژەیێن خزمەت گوزاری، ئەم وەكو پارتی دێ بەردەوامبین بۆ گەهاندنا پڕۆژێن خزمەت گوزاری بۆ دەڤەرێن دەوروبەرێ نەینەوا».
