سەرۆكێ حوكمەتێ سۆزا دروستكرنا پارزنگەهەكا نەفتێ دایە زاخۆ
زاخۆ، دلۆڤان هالۆ:
گۆهدار شێخۆ، سەرپەرشتێ ئیدارەیا سەربخوە یا زاخۆ دیار كر كو مەسرور بارزانی، سەرۆكێ حوكمەتا هەرێما كوردستانێ سۆزا دروستكرنا پارزینگەهەكا نەفتێ دایە زاخۆ.
سەرپەرشتێ ئیدارەیا سەربخوە یا زاخۆ، ئاماژە ب وێ چەندێ ژی كر كو ب پشتەڤانیا مەسرور بارزانی، سەرۆكێ حوكمەتێ 83% جاددەیێن زاخۆ هاتینە قێركرن و گۆت: «هەتا تەمووزا سالا بهێت دێ هەمی جاددەیێن زاخۆ هێنە قێركرن».
گۆتژی: «نوكە ل زاخۆ باشترین و پێشكەفتیترین نەخۆشخانە هاتیە دامەزراندن و باشترین ئامیرەیێ ساخلەمیێ ژی ل زاخۆیە، ل زاخۆ 127 كارگەهێن پیشەسازیێ هەنە، د نیڤا ئێكێ یا ئەڤ سالە دا 600 هزار گەشتیاران سەرەدانا زاخۆ كریە و د پلانا مە دایە هەتا دوماهیا ئەڤ سالە ملیۆن گەشتیار سەرەدانا زاخۆ بكەن».
